Рамос нима учун "Реал" "Барселона"ни ютиши шарт эканлигини айтди

Мадриднинг “Реал” клуби сардори Серхио Рамос яқинлашиб келаётган “Барселона”га қарши “Эл-класико” олдидан ўз фикрларини билдириб ўтди.

“Бу ажойиб ўйин бўлади. Класикони таърифлашга сўз ожиз. Бу дунёдаги энг муҳим ўйин.

Биз чемпионлик пойгасида қолишимиз учун ҳам ушбу баҳсда ғалаба қозонишимиз шарт. Айтиш лозимки, биз ушбу баҳсга ҳар томонлама тайёрмиз. Айниқса, яқиндагина бўлиб ўтган клублар ўртасидаги жаҳон чемпионатида ғолиб чиққанимиз, футболчиларга қўшимча куч бермоқда.

Биз ушбу ўйинда уч очкони қўлга киритиб, биздан олдинда турган жамоаларга яқинлашиб олишни истаймиз”, - дейди Рамос Goal нашрига берган интервьюсида.

Эслатиб ўтамиз, “Реал” ҳамда “Барселона” жамоалари ўртасидаги баҳс 23 декабрь куни Тошкент вақти билан соат 17:00да бошланади.

Фикрлар

Фикр қолдириш учун авторизациядан ўтинг!