Ramos "Real"ga qarshi bahsdan so‘ng 45 daqiqani kiyinish xonasida o‘tkazdi

"Sevilya" markaziy himoyachisi Serxio Ramos sobiq jamoadoshlari bilan uchrashganidan xursand bo‘ldi.

37 yoshli futbolchi "Real" bilan o‘yinda asosiy tarkibda maydonga tushib, final hushtagigacha o‘ynadi. Uchrashuv durang bilan yakunlandi - 1:1.

O‘yin tugagandan so‘ng Ramos raqiblarning kiyinish xonasiga bordi va u erda taxminan 45 daqiqa vaqt o‘tkazdi, deb xabar beradi "Madrid Xtra" nashri. Shuningdek, ispaniyalik himoyachi oilasi va Luka Modrich bilan stadionni oxirgi bo‘lib tark etgani qayd etilgan.

Serxio Ramos 2005 yildan 2021 yilgacha "Real"da o‘ynagan, shundan so‘ng PSJga o‘tgan. Joriy yilning sentyabr oyi boshida "qirollik klubi"ning sobiq sardori faoliyatini boshlagan "Sevilya"ga qaytdi.