Рақибини 1-раундидаёқ нокаутга учратган Мавлонбек Қаҳҳоров юртимизга қайтиб келди (ФОТО)

Хабар берганимиздек, Таиланднинг Бангкок шаҳрида ўзбек муайтай оламининг ёрқин юлдузи, 3 карра жаҳон чемпиони Мавлонбек Қаҳҳоров профессионал фаолиятида навбатдаги жангини ўтказди. У Lumpinee Fairtex Fight турнирида таиландлик Ванчалермга қарши рингга кўтарилди. Қувонарлиси, жангнинг 1-раундидаёқ ҳамюртимиз рақибини чуқур нокаутга учратган ҳолда ғалаба қозонди. Шу тариқа юртдошимиз ONE FC билан шартнома тузиш имкониятини қўлга киритди.

Бугун истеъдодли муайтайчимиз юртимизга қайтиб келди. Уни Тошкент халқаро аэропортида жамоадошлари, мухлислар ва яқинлари кутиб олди.