“Реал” муҳим янгиликни эълон қилишга тайёрланмоқда

Футбол жамоатчилиги “Реал” клуби ПСЖ ҳужумчиси Килиан Мбаппенинг трансферини қачон эълон қилишини кутмоқда.

Аксарият манбалар мадридликлар 25 ёшли форвард билан 2029 йилнинг ярмигача давом этадиган шартнома имзолаб бўлгани ҳақида анчадан бери маълумот тарқатиб келмоқда. Бироқ бу масалага клуб ҳам, футболчи ҳам ойдинлик киритгани йўқ.

RMC Sport нашрининг маълум қилишича, “Қироллик клуби” Килиан Мбаппе трансферини Германия мезбонлик қиладиган Европа чемпионати олдидан расман эълон қилишни режалаштирмоқда.

Қитъа чемпионати жорий йилнинг 14 июнь куни старт олади. Қолаверса, томонлар ПСЖ ва “Реал” Чемпионлар лигасидаги иштирокини тўхтатмагунча трансферни эълон қилмаслик борасида келишиб олгани айтилмоқда.

Айрим маълумотларга қараганда, “Қироллик клуби” президенти Флорентино Перес жамоадагиларни мавсум якунланганидан кейин Килиан Мбаппе келиши ҳақида хабардор қилган