Рибери асосий мақсади нима эканлигини айтди

Мюнхеннинг “Бавария” клуби ярим ҳимоячиси Франк Рибери кеча бўлиб ўтган “Байер”га (3:1) қарши баҳсдан сўнг ўз фикрларини билдириб ўтди.

“Менинг мақсадим – “Бавария”да иложи борича кўпроқ қолиш. Ажойиб спорт формада эканлигимдан хурсандман. Жамоам билан бирга доим бахтлиман. Ўйиндан ва машғулотлардан завқланяпман”, - дейди франциялик футболчи.

Маълумот учун, 34 ёшли футболчи “Бавария” сафида 2007 йилдан буён тўп суриб келмоқда.