Роналду ўрнига бошқаси...

Жаҳон футболида энг кўп гол урган Криштиану Роналду билан ҳамкорлик алоқаларини узган таниқли футбол агенти Жорже Мендеш энди бошқа португалиялик футболчи билан ишлайдиган бўлди.

Европа матбуотининг ёзишича, бундан буён машҳур агент Португалия футболининг келажаги сифатида эътироф этилаётган ҳужумчи Гонсалу Рамуш манфаатларини ҳимоя қилади.

Мендешнинг компанияси Роналду билан ҳамкорликни тўхтатганидан кейин “Бенфика”нинг 21 ёшли ҳужумчиси билан шартнома имзолаган.

Рамуш жаҳон чемпионатида Швейцария дарвозасига учта тўп киритганидан кейин Европанинг қудратли жамоаларидан таклиф ола бошлади. Жорже Мендеш бундан буён Гонсалунинг трансферларини бошқаради.