Роналдунинг кучли томони нима?

"Ан-Наср" бош мураббийи ёрдамчиси Витор Северино Саудия Арабистони жамоасининг 39 ёшли португалиялик ҳужумчиси Криштиану Роналду ҳақида фикр билдирди.

“Криштиану Роналду профессионал футболчининг намунасидир. У жуда кўп машқ қилади ва агар сиз Криштиану буни қандай қилишини аниқ кузатсангиз, ҳайратда қоласиз. Машғулотларга келганингизда, Роналду аллақачон шу ерда бўлади, машғулот тугагач, у дарҳол кетмайди. Меҳнатсеварлик, бошқаларга ҳурмат ва ғалабага чанқоқлик уни буюк инсон қилган. Бу унинг кучли томони.

Роналду туғма етакчи. У майдонга тушгач, жамоадошлари унга ҳақиқий етакчи сифатида қарашади”, — деб Северино.

Жорий мавсумда Роналду барча турнирларда 40 та учрашувда қатнашиб, 41 та гол урди ва 12 та голли узатмани амалга оширган. Футболчининг клуб билан амалдаги меҳнат шартномаси 2025 йилнинг ёзига қадар амал қилади. Трансфермаркт порталида берилган маълумотларга кўра, футболчининг бозор қиймати 15 миллион еврони ташкил қилади.