Симона Халеп “WTA Shenzhen Open – 2018” ғолиби
Хитойнинг Шэньчжэн шаҳрида ўтказилган “WTA Shenzhen Open – 2018” турнирида руминиялик Симона Халеп яккалик баҳсларида бош совринни қўлга киритди.
Соврин жамғармаси 750.000 АҚШ доллари бўлган мусобақанинг сўнгги ҳал қилувчи финал баҳсида Симона Халеп чехиялик Катерина Синяковага қарши кортга чиқди.
Уч сет давом этган учрашувда дунёнинг биринчи рақамли теннисчиси Симона Халеп 6:1, 2:6, 6:0 ҳисобида ғалаба қозонди. Бу ғалаба руминиялик теннисчига WTA рейтингининг 280 очкоси билан биргаликда 163.260 АҚШ доллари пул мукофотини олиб келди.
Фикрлар