“Сўғдиёна” Тошкентдаги йиғин чоғида “Пахтакор”, “Навбаҳор” ва “Қизилқум” билан ўртоқлик ўйини ўтказади

Мавсумга қизғин ҳозирлик кўраётган  “Сўғдиёна” Жиззахдаги тайёргарликнинг биринчи боcқичини якунлади. Режага кўра иккинчи босқич Тошкентда давом эттирилади. Бу ҳақда клуб матбуот хизмати хабар бермоқда.

“Оқ-тепа”га қарши ўртоқлик учрашувидан сўнг жамоа мураббийлар штаби футболчиларга қисқа муддатли таътил беришга қарор қилган эди. Бугун клуб Тошкентда йиғилди ва “Гранд Атлас” меҳмонхонасига жойлашди.

Тошкентдаги йиғин давомида бир нечта ўртоқлик учрашувлари бўлиб ўтиши режалаштирилган. Улардан дастлабкиси, 25 январь куни “Пахтакор”га қарши ўртоқлик учрашуви бўлиб ўтади. 28 январда “Навбаҳор”, 5 февраль куни “Қизилқум” билан ўртоқлик учрашувларини ўтказиш режалаштирилган.

Жиззахдаги йиғин давомида кўрикда бўлган айрим футболчилар билан хайрлашилди  ва Тошкентдаги йиғинга бир нечта футболчилар келиб қўшилиши кутилмоқда. Бу ҳақида эса кейинги хабарларда батафсил маълумот берамиз