Тевес "Бока Хуниорс" машғулотларига қўшилди

Бундан аввалроқ аргентиналик ҳужумчи Карлос Тевес йиллик 38 млн евро маошни ташлаб, Хитойнинг “Шанхай Шеньхуа” клуби билан амалдаги шартномани муддатидан аввал бекор қилгани ҳақида хабар берган эдик.

Тарқатилган хабарларга қараганда 33 ёшли футболчи аллақачон “Бока Хуниорс” машғулотларига қўшилган. Эслатиб ўтамиз, Тевес шартномани бузгани учун хитойликларга 5 млн евро жарима тўлади.

Маълумот учун, Тевес "Шанхай Шеньхуа"га 2016 йилнинг декабрида келиб қўшилган эди. Хитой клуби уни ўша пайтда дунёнинг энг кўп маош олувчи футболчисига (йиллик маоши 36 млн евро) айлантирган эди.