Торресга Хитойдан 15 млн евролик шартнома таклиф қилишди

Мадриднинг “Атлетико” клуби ҳужумчиси Фернандо Торрес яқин вақтлар ичида жамоани тарк этиши мумкин. Унга Хитойнинг “Дальянь Ифан” клуби қизиқиши билдирмоқда.

AS нашри тарқатган хабарга кўра, хитойликлар испаниялик футболчига йилига 15 млн евролил шартнома таклиф қилди. Илгарироқ, мазкур жамоа Янник-Феррейра Каррасконинг трансфери борасида мадридликлар билан келишувга эришгани айтилган эди.

Торреснинг “матрасчилар” билан амалдаги шартномаси ёзда ниҳоясига етди. Хитойда эса трансфер ойнаси  28 феврал куни ёпилади.