Украиналик журналистнинг “Бухоро” футболчиси билан ташкил этган интервьюси

“Бухоро” клубининг украиналик легионери Владимир Баенко Ўзбекистон футболига қизиқиши катта эканлиги, нима сабабдан ушбу жамоага кўчиб ўтгани ва бошқалар борасида ua-football.com сайтига интервью берди.

Владимир, сиз ўтган мавсум “Зирка” клубининг асосий футболчиларидан бири бўлгандингиз. 14 беллашувда фақатгина бир марта алмаштирилгандингиз. Шунинг учун сизнинг Ўзбекистонга йўл олишингиз ажабланарли бўлди. Бу нима билан боғлиқ?

- Мен бош мураббий билан гаплашганимда, у менга ишонмаслигини айтди. “Зирка” билан менинг шартномам бор эди. Бу эса мени захира ўриндиғига ўтказиб қўйишидан дарак эди. Менга эса ўйин амалиёти керак. Шундан сўнг агентим билан гаплашиб бошқа вариантлар қидиришни бошладик. Клуб президенти билан учрашуб ўз ражаларим борасида гаплашдим. Мен раҳбарият ва бош мураббий билан яхши муносабатда хайрлашдим. Натижада, муаммосиз Ўзбекистонга кетдим. Ўйлайманки, ҳеч кимнинг бир-бирига қарши эътирози йўқ.

Украина клубларидан таклифлар бормиди ёки хорижда фаолият олиб боришни хоҳлаганмидингиз?

- Аввало, Украинада қолишни истардим. Аммо аниқ таклифлар бўлмади. Баъзи жамоалар билан музокаралар олиб борилганда, кела олмадик. Шу билан бирга Премьер-Лигага чиқиш истаги бор эди. Узоқ вақт кутиб турдим ва январда Ўзбекистондан чорлов бўлди. Шунда хорижда тўп тепиб, легионер бўлишни истадим.

Футболи ривожланмаган мамлакатда фаолиятингиз қандай ўтди ёки Ўзбекистонда тўп тепишни хоҳладингизми?

- Мен бу йил Ўзбекистонда фаолият олиб борган украиналиклардан бири бўлдим. У ерда олдин ҳам украиналиклар ўйнашганини айтишди. Бу давлатда миллионлар футболини яхши кўришади. Мавсум давомида битта ўйинимизни минимум 13000 минг томошабин кузатиб борди. “Пахтакор” ва “Локомотив”га қарши беллашувларда 23000-25000 минг ишқибоз стадионга ташриф буюрди. Агар жамоа сафарда тўп тепса, мухлислар ўз суюклиларини қўллаб-қувватлашади.

Ўзбекистонда ўз жамоалари ҳақида қайғуришади. Миллий терма жамоаси ЖЧ-2018га чиқа олмагани бутун мамлакат учун фожеа бўлди. Бу ҳақида узоқ вақт гапиришди, ҳатто таксида ҳам бу мавзуни муҳокама қилишди. Аммо Украинада қандайдир мағлубиятларни унитиб қўйишди. Терма жамоа жаҳон форумига бормади ва ҳаммаси эсдан чиқарилди. Ўзбекистонда эса ЖЧга чиқа олмагани ҳаммани ташвишлантирди.

Етакчилар билан ўйинларда ўйингоҳлар доим тўлади. Агар турли вилоятлар билан тўқнашса, “Шахтёр”нинг “Динамо” билан ўйинидек зичлик бир хил. Чемпионат аутсайдерлари учрашуви бўлсада, уларга энг яхши ҳакамлар тайинланади. Масалан, дунёнинг энг яхши ҳаками Равшан Эрматов шундай беллашувларда ишлайди. Биз бу давлат футболи ҳақида кўп нарса билмаймиз, эҳтимол шунинг учун ҳар хил фикрлар тарқалган.

Нечта ўйинда асосий таркибда майдонга тушдингиз?

- Барча беллашувларда асосий таркибда ҳаракат қилдим. Қолаверса. Сардор сифатида 3 та гол уришни ҳам уддаладим.

Жамоангиз олдига қандай вазифа қўйилган, клуб бош мураббийи Улуғбек Бақоев ҳақида нималар дея оласиз?

- У ёш мутахассис. Ўз вақтида Қозоғистонда кетма-кет 3 йил энг яхши тўпурарга айланган, миллий терма жамоанинг собиқ аъзоси, Ўзбекистоннинг энг яхши ҳужумчиларидан бўлган. Шундай мураббий билан ишлаш ёқимли. Рақибнинг кимлигига қарамай, жамоани фақат ғалаба учун тайёрлайди. “Бухоро” ортда қолган мавсум олий лигада қолиш учун курашди.

Мавсум олдидан клуб олдига турнир жадвали ўрталарида юриш вазифаси юклатилганди. Иккинчи даврада жамоа 10 ўйинда мағлубиятга учрамай иккинчи ўринни эгаллади. Чемпионат тугашига 5 тур қолганда, ўйинимизда пасайиш юз берди. Баъзи футболчилар жароҳат олишди, айримлари эса дисквалификацияга учради.

Кетма-кет 3 муваффақиятсиз ўйин бизни 5-поғонага туширди. Чемпионатни 6-ўринда якунладик. Бу мавсум жамоалар орасидаги фарқ жуда ҳам кичик эди.

Бухорода яшадингизми?

- Ҳа, жамоа базасига жойлашдим. Агар Тошкентда ўйин ўтказилганда, машғулотларга катта аҳамият бериб, у ерда бир ҳафта яшардик. Пойтахтда беллашувларга тайёргарлик кўриш учун барча шароитлар бор эди.

Бухоро – ЮНЕСКОнинг маъданий мероси, ўрта асрлардаги ҳукмдорлар шаҳри. У ер сизга ёқдими?

- Бухоро дунёнинг энг қадимий шаҳарларидан бири. Буюк ипак йўли ўтган, бу ер жуда чиройли. Аммо иқлими жуда иссиқ, айниқса, ёзда. Шунинг учун машғулотлар кечқурун 7-8да бошланарди. Бу пайтда иссиқ пасаяди.

Кўпчилик мени Ўзбекистоннинг иқлими жуда иссиқ деб қўрқитганди, лекин ёзни яхши ўтказдим, ҳеч қандай безовта бўлмадим. Украинага келганимда, Бухорога қараганда ҳавонинг иссиқлигини сездим. Чунки намлик юқори. Боз устига, қуруқ иқлим.

Ошни аллақачон таътиб кўргандирсиз?   

- Албатта, жамоада анъанага кўра кечки сафга чиқишдан олдин барчага ош берилади. Йил давомида ош танаввул қилдик. Ҳатто уни тайёрлашни ҳам ўрганиб олдим.

Дам олиш қанча давом этади?

- Шартномам 1 йилга мўлжалланганди. Айни пайтда у тагуди. Энди мен эркин агентман.

“Бухоро” менга икки баробар яхши шартнома таклиф қилмоқда. Ҳозирча буни ўйлаяпман. Қолавреса, Украинадан ҳам бир нечта вариантлар бор. Еттинчи январгача дам оламан. Яқин кунларда келажагим борасида қарор қабул қиламан. Чунки қишки тайёргарлик жуда муҳимдир.