Усмонали Исмоналиев: "Худога шукр, 3 очкони қўлга киритдик!"

Суперлига 5-туридан ўрин олган "Бухоро"га қарши ўйинда "Бунёдкор" 0:2 ҳисобида сафардаги ғалабани қўлга киритди. Улуғбек Бақоев жамоасининг мағлуб этилишида ўз ҳиссасини қўшган "қалдирғочлар" вакили Усмонали Исмоналиев баҳсдан сўнг ўз фикрлари билан ўртоқлашди.

"Авваломбор, ассалому алайкум ҳаммага! Кўриб турганингиздек, ўйин қийин бўлди. "Бухоро" ҳам кучли жамоа эканини кўрсатиб берди. 

Шунга қарамай, Худога шукр, 3 очкони қўлга киритдик. Мухлислар олдида юзимиз ёруғ бўлди. Муҳими керакли натижани қўлга киритганимиз, албатта!", - деди футболчи.

Эслатиб ўтамиз, Усмонали "Бунёдкор"нинг илк голига муаллифлик қилди.