Ван Перси энди қаерда ўйнайди?

Туркиянинг “Фенербахче” клуби ҳужумчиси Робин ван Перси ўз ватанига қайтиши мумкин. NU хабарига кўра, Голандиянинг “Фейеноорд” клуби 34 ёшли футболчи билан келишувга эришган.

Голландияликлар энди турк клуби билан келиша олишса бўлгани. Ван Перси эртагаёқ роттердамликлар учун тиббий кўрикдан ўтиши ва келаси ҳафтадан Жованни ван Бронхорст бошқарувидаги клуб сафига қўшилиши мумкин.

“Арсенал” ва “Манчестер Юнайтед”даги ўйинлари орқали кўпчиликка яхши таниш бўлган ван Перси 2001-2004 йиллар оралиғида ҳам айнан “Фейеноорд” сафида ўйнаган.