Villian "Chelsi" bilan shartnomasini uzaytirishdan voz kechdi. U "aristokratlar"ning asosiy raqibi bilan muzokara o‘tkazmoqda
"Chelsi" klubi yarim himoyachisi Villian tez orada jamoani tark etishi mumkin. Bu haqda The Guardian nashri xabar berdi.
Manbaning ma’lum qilishicha, 31 yoshlik xavbek "aristokratlar"ning 2 yillik yangi shartnoma borasidagi taklifini rad etib, «Arsenal» bilan muzokara o‘tkazmoqda.
Villian "Chelsi" bilan shartnoma borasida kelisha olmadi. Chunki braziliyalik futbolchi klubdan 3 yillik bitim talab qilmoqda. "Arsenal" esa uning talabini qondirishga tayyor.
Bosh murabbiy Frenk Lempard Villianni jamoada saqlab qolmoqchi. Biroq klubi rahbariyati 3 yillik shartnomaga qarshi.
"Barselona" ham Villianga 3 yillik shartnoma taklif qilmoqda. Ammo braziliyalikning Kataloniyaga o‘tish imkoniyati ancha past.
Futbolchi «Chelsi» safida 2013 yilning avgust oyidan beri faoliyat yuritmoqda. U ikki marta Angliya chempionligi va bir bor kubok sohibiga aylangan.
Fikrlar