Villian uchun Italiya grandidan qiziqish paydo bo‘ldi

"Yuventus" klubi mavsumlar oralig‘ida "Chelsi" vingeri Villianni tarkibga qo‘shib olishi mumkin.

Sport Mediaset nashri tarqatgan xabarga ko‘ra, agar 31 yoshli braziliyalik futbolchi “aristokratlar” bilan amaldagi shartnomasini uzaytirmasa va erkin agentga aylansa, turinliklar unga taklif yuborishlari mumkin.

Villian joriy mavsum “Chelsi” safida 37 ta o‘yinda maydonga tushdi va 7 ta gol hamda 6 ta golli uzatmaga mualliflik qildi. Uning klub bilan amaldagi shartnomasi esa yozda o‘z nihoyasiga etadi.