Витсель Азарнинг фаолиятини якунлагани ҳақида гапирди

Аксель Витcель Эден Азарнинг фаолиятини якунлаш қарорига изоҳ берди.

"Челси", "Реал" ва Бельгия терма жамоасининг собиқ футболчиси 32 ёшида фаолиятини якунлади.

- Азар фаолиятини якунлаганини эълон қилди. Сиз уни яхши биласизми, у "Реал"даги йилларини қандай ўтказди?

"Эден менинг дўстим. Кўп йиллар давомида терма жамоада бирга ўйнадик. Менимча, у фантастик карьера қилди. Аммо сўнгги йилларда ишлар бироз мураккаблашди. Кўрганингиздек, сўнгги икки йил унинг учун жуда қийин бўлди.

Футболчи тез-тез жароҳат олса, руҳий тарафдан босимга дуч келади. Шундай ҳолатда ҳам сизда давом этиш, ҳар куни машғулот ўтказиш истаги бор ёки йўқлигини нафақат бошингиз билан, балки, танангиз билан ҳам ҳис қилишингиз керак, - деди "Атлетико" ярим ҳимоячиси.