"Ювентус" Балотеллини яна А Серияга қайтармоқчи

Франциянинг “Ницца” клуби форварди Марио Балотелли яна Италия А Сериясига қайтиши мумкин.

The Sun нашрининг ёзишича 27 ёшли италиялик футболчига Туриннинг “Ювентус” клуби жиддий қизиқиш билдирмоқда. Айтиш лозимки, Балотелли мавсум якунлангач эркин агентга айланиши ва “кекса синьора” сафини текинга тўлдириши мумкин.

Маълумотларга кўра “Ювентус” Мариога аллақачон 5 йиллик шартнома ҳамда қўшимча бонуслар таклиф қилган.

Эслатиб ўтамиз, Балотелли жорий мавсум Франция чемпионатида жами 16та учрашувда иштирок этиб, ўз ҳисобига 12та гол ёздириб қўйишга эришган.