"Ювентус" Бенатиани "Арсенал"га сотмади

Лондоннинг “Арсенал” клуби “Ювентус” марказий ҳимоячиси Мехди Бенатиага жиддий қизиқиш билдира бошлади.

Tribal Football нашри тарқатган хабарга қараганда “канонирлар” 30 ёшли марокашлик футболчи учун туринликларга 40 млн евро таклиф қилишган, бироқ, якунда бу борада рад жавоби олишган. Боиси, “Ювентус” ўзининг тажрибали футболчисини қўйиб юбормоқчи эмас.

Эслатиб ўтамиз, Бенатиа “Юве” сафига 2016 йил Мюнхеннинг “Бавария” клубидан келиб қўшилган эди. Унинг “кекса синьора” билан амалдаги шартномаси 2019/20 йилга қадар имзоланган.

Фикрлар

Фикр қолдириш учун авторизациядан ўтинг!