Zadar Open 2022. Денис Истомин ва Санжар Файзиев мусобақадаги иштирокини эрта якунлади

Хорватиянинг Задар шаҳрида "АТP Challenger" таснифига кирувчи мукофот жамғармаси 50,515 АҚШ доллари миқдоридаги "Zadar Open 2022" теннис мусобақаси бўлиб ўтмоқда.

Жуфтлик йўналиши илк босқичида ҳамюртимиз Денис Истомин чехиялик Лукас Росол билан бирга Италия вакиллари Франческо Форти ва Жулио Зеппьери тандемига қарши баҳс олиб борди. Ушбу учрашувда Форти ва Зеппьери жуфтлиги 2 сетда қийинчиликсиз 6-2, 6-3 ҳисобида ғалаба қозонди.

Бошқа бир ҳамюртимиз Санжар Файзиев грециялик Маркос Каловелонис билан биргаликда сербиялик ака-укалар Иван ва Матеж Сабановлар қаршилиги синдира олмади. Мазкур баҳсни Сабановлар 6-4, 6-3 ҳисобида ўз фойдаларига ҳал қилди.

Шу тариқа ҳар иккала теннисчимиз мусобақани илк босқичларданоқ якунлади.

Эслатиб ўтамиз, яккалик баҳсларининг биринчи даврасида Истомин мезбон теннисчи, 16 ёшли Дино Призмикка қарши кортга чиқиб, 5-7, 3-6 ҳисобида имкониятни бой бериб қўйган эди.