Зидан: “Реал” ўйинидан кўнглим тўқ

Мадриднинг “Реал” жамоаси бош мураббийи Зинедин Зидан “Нумансия”га қарши (2:2) Испания Кубоги нимчорак финал жавоб ўйинидан кейин ўз фикрларини билдириб ўтди.

“Менимча яхши ўйин ўтказдик, аммо бироз тетиклик етишмади. Майдонда камдан-кам чиқадиганлар учун ўйнаш осон эмас. Биринчи беллашув ҳал қилувчи аҳамиятга эга бўлганди.

Нима деб ўйлашинглар ўзингизга ҳавола, аммо яна бир бор айтаман, етарли ўйин амалиётига эга бўлмаганлар учун ўйнаш қийин. Ҳар икки бўлим охирида рақиб бизни жазолади, лекин жамоа ўйинидан кўнглим тўқ.

Ўз уйимиза мағлуб бўлганимиз бизни хавотирга солмаяпти. Биз ишлашда давом этамиз ва ижобий фикр билдиришда давом этамиз. Хафа бўлмаймиз”, – деди Зидан.