Zinchenko qachon safga qaytishi ma’lum

“Arsenal”ning ukrainalik futbolchisi Aleksandr Zinchenko yaqin orada jarohatidan tiklanishi mumkin. Bu haqda Evening Standard nashri xabar tarqatmoqda.

Manba bergan xabarga ko‘ra, 26 yoshli himoyachi Angliya Premer-ligasining 32-turidan o‘rin olgan "Sautgempton"ga (21 aprel) qarshi o‘yinda maydonga tushishi ehtimoli bor. Avvalroq u jaroxati tufayli 31-turning "Vest Xem"ga qarshi o‘yinini (2:2) o‘tkazib yuborgan edi.

Ma’lumot uchun, Zinchenko joriy mavsum “Arsenal” safida barcha turnirlarda jami 29 ta o‘yinda maydonga tushib, 1 ta gol urdi va 2 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.