«Барселона» Горецкани қўлга киритиш фикридан қайтмаяпти

«Барселона» раҳбарияти ва мураббийлар штаби «Шальке-04» жамоаси ярим ҳимоячиси Леон Горецкага қизиқиш билдиришда давом этмоқда.

«Мundo Deportivo» хабарига кўра, каталон клуби селекционери Пеп Боада футболчининг Германия Бундеслигаси 9 турида «Майтнс»га қарши баҳсда футболчининг ўйинларини кузатиб борди.

Маълумот учун, Горецканинг гелзенкирхенликлар билан шартномаси 2018 йилда ниҳоясига етади. Футболчининг ўзи эса ОАВга «Шальке-04»дан кетиш нияти йўқлигини маълум қилган эди.