Испан гўзали Роналдудан норози ёхуд сирлар очилмоқда
Испанияда гўзаллик танлови ғолибаси Дезире Кордеро ва "Реал" етакчиси Криштиану Роналду ўртасидаги муҳаббат тарихи куннинг муҳим мавзусига айланиб қолмоқда.
Аввалига испаниялик журналистлар мазкур жуфтликнинг ўзаро муносабатлари ҳаммага ўрнак бўлиши кераклиги, ниҳоят Роналду ўз тенгини топгани ва жуда бахтли экани ҳақида жар солган эди. Кейинчалик Криштиану Роналду ва Дезире Кордеро алоқалари ўзаро манфаатли келишув бўлиб чиқди.
Шундан сўнг, журналистлар Криштиану Роналду хиёнат қурбони бўлганини, Дезире машҳурлигини ошириш ва кўп миллионли шартномаларга эга бўлиш учун футбол юлдузидан фойдалангани, буни билиб қолган португалиялик чарм тўп устаси қизнинг жавобини бериб юборгани айтилганди. Ҳамма бу паллада Роналдуга раҳм кўзи билан қараб, испан гўзалидан нафратланди.
Мана энди Дезире Кордеро Криштиану Роналдунинг муносабати туфайли ўзини таҳқирланганини иддао қилмоқда. Corazón Czn журнали эълон қилган сенсацион мақолада Роналду бесабаб Дезиренинг қўнғироқлари ва хабарларига жавоб бермаётгани маълум қилинди. Ўзини таҳқирланганини ҳис қилган Дезире энди Роналдудан узоққа - АҚШга кўчиб кетишга қарор қилди.
Криштиану Роналду ва Дезире Кордеро воқеасида аввалига вазият қурбони бўлган футболчи энди гўзал қизни қадрига етмаган ва уни таҳқирлаган айбдорга айланди.
Фикрлар