ONE FC Allazov bilan shartnomani bekor qilmoqchi emas(mi?)

Jurnalist Nikolas Atkins o‘zining ijtimoiy tarmoqlarida kikboksing bo‘yicha yarim engil vazn toifasida amaldagi ONE chempioni Chingiz Allazov tashkilot bilan shartnomasini bekor qilmoqchi ekanligi haqidagi so‘nggi xabar haqida post yozdi. Atkins manbalarga tayanib, ONE kelishuvni bekor qilishni rejalashtirmagani haqida xabar berdi.

“ONE FC dagi ishonchli manba menga Chingiz Allazov bilan shartnomani muddatidan oldin bekor qilmasliklarini aytdi. Kikboksing bo‘yicha yarim engil vazn toifasidagi chempion bilan shartnoma 2026 yilning dekabrigacha amal qiladi. ONE barcha tomonlarni qanoatlantirgan holda har qanday muammolarni birgalikda hal qilishga harakat qiladi, lekin ayni paytda butun dunyo bo‘ylab o‘zining qonuniy huquqlarini ham ta’minlaydi", – dedi Atkins.