Спорт курашлари. Вакилларимиз лицензион турнирда иштирок этмоқда

Ўзбекистонлик спортчиларнинг Париж-2024 Олимпиадаси йўлидаги мусобақалари давом этмоқда. Бугун Туркиянинг Истанбул шаҳрида спорт курашлари бўйича жаҳон лицензион турнири бошланди. Париж Олимпиадаси ўйинларига лицензия бериши билан аҳамиятли ҳисобланган ушбу турнирнинг дастлабки кунида юнон-рум кураши бўйича беллашувлар ўтказилиши белгиланган. 

Ушбу мусобақада иштирок этаётган Ўзбекистон терма жамоаси аъзолари - Маҳмуд Бахшуллоев ҳамда Жалгасбай Бердимуратов финал босқичи йўлланмаси учун гиламга чиқади. Улар мусобақани қуйидаги рақибларига қарши бошлашади: 

-67 кг:

Маҳмуд Бахшуллоев – Динмуҳаммад Кошкар (Қозоғистон)
-87 кг:

Жалгасбай Бердимуратов – Ганс Вагнер (Германия)

Маълумот учун, бугунги кунга қадар 6 нафар Ўзбекистон вакили Париж Олимпиадаси йўлланмасини нақд қилган. Булар:

Юнон-рум кураши

Исломжон Баҳромов -60 кг

Арам Варданян -77 кг

Рустам Ассакалов -97 кг

Эркин кураш

Ғуломжон Абдуллаев -57 кг

Бекзод Абдураҳмонов -74 кг

Жавраил Шапиев -86 кг

Бахтиёр Тоштемиров.