Роналду зўр, Месси тенгсиз!

"Севилья" клуби форварди Нолито замонавий футболнинг энг зўр икки ҳужумчиси - Лионель Месси ва Криштиану Роналдуни ўзаро таққослади.

“Месси - дунёнинг энг зўри. У каби футболчи шу пайтгача бўлмаган ва бундан кейин ҳам бўлмайди. У билан бир жамоада ўйнаш насиб этганидан хурсандман.

Мессини ким биландир таққослаш керак эмас, деб ўйлайман. Гарчи, Роналду ҳам буюк футболчи бўлса-да. Бунинг ажабланарли жойи йўқ. Чунки, у 3 та кучли чемпионатда ажойиб ўйинлар кўрсатди. Аммо, Месси барибир Месси”, - дейди Нолито.

35 ёшли Роналду 5 карра “Олтин тўп” соҳиби ҳисобланса, 32 ёшли Месси ушбу совринни 6 марта қўлга киритган.