Тер Штеген кетаверсин! "Барселона" ўзига янги дарвозабон топди

Каталониянинг "Барселона" клуби "Аякса" дарвозабони Андре Онанани ўз сафида кўрмоқчи. Бу ҳақда Sport.es нашри хабар тарқатмоқда.

Юқоридаги манбага кўра, агар германиялик дарвозабон Марк-Андре тер Штеген жамоадан кетса, “кўк-анор ранглилар” унинг ўрнига айнан 24 ёшли Онанани олиб келишади.

Бундан аввалроқ, тер Штеген “Барселона” билан шартномани узайтириш бўйича келиша олмаётгани ва унга “Бавария”дан жиддий қизиқишлар бўлаётгани ҳақида хабарлар тарқалган эди.

Айтиш керакки, Онана асли “Барселона” тарбияланувчиси ҳисобланади. У жорий мавсум “Аякс” сафида 39 та ўйинда майдонга тушди ва ўз дарвозасидан 37 та гол ўтказиб юборди. Унинг амстердамликлар билан амалдаги шартномаси 2022 йилга қадар имзоланган.

Фикрлар

Фикр қолдириш учун авторизациядан ўтинг!