Мадуэке "Арсенал"га ўтганидан кейин илк фикрлари билан ўртоқлашди

Хабарингиз бор, "Арсенал" расман "Челси" ярим ҳимоячиси Нони Мадуэке билан шартнома имзолаганини эълон қилди. 23 ёшли вингер янги жамоаси ҳақида фикр билдирди.

"Бу аллақачон аниқ бир услуб ва шахсиятига эга кучли жамоа. Мен ўз услубимни қўшиш ва жамоага кейинги қадамни қўйишда ёрдам беришни сабрсизлик билан кутяпман", — деди Мадуэке клуб сайтига берган интервьюсида.

Янги мавсумдаги мақсадлари ҳақида:

"Биз иштирок этадиган барча мусобақаларда ғолиб чиқишни хоҳлайман. Менимча, биз буни уддалашга қодирмиз. Шунингдек, жамоага ҳар томонлама ёрдам бериш ва шахс сифатида ривожланишни истайман", — дейди у.

Унга кўра, трансфердан олдин у бир неча футболчилар — Деклан Райс, Майлз Льюис-Скелли, Букайо Сака ва Юрриен Тимбер билан гаплашган ва улар клуб ҳақида фақат яхши фикрлар билдиришган.

"Бу ерда жуда илиқ ва оилавий муҳит бор. Мен "Арсенал" оиласининг бир қисми бўлганимдан жуда хурсандман", — деди Мадуэке.