Испания терма жамоаси сардори янги клубга ўтиш арафасида

Туркиянинг "Галатасарaй" клуби Виктор Осимхенни трансфер қилганидан сўнг ҳужумчи Альваро Моратани қўйиб юборишга тайёрлигини билдирди. 

Кеча маълум бўлганидек, Истанбул клуби Осимхен трансфери учун "Наполи" га 75 миллион евро тўлаб берадиган бўлди. Мората эса "Комо" клуби билан шартнома шартларини келишиб олган.

Журналист Жанлука Ди Марционинг хабар беришича, Туркия клуби бугуннинг ўзида испаниялик ҳужумчини Фабрегаснинг жамоасига ўтишини маъқуллаши мумкин. Альварони трансфери фақат "Милан" билан ижара шартномасини бекор қилганидан кейин амалга ошиши мумкин бўлади. 

Маълумот учун, 32 ёшли ҳужумчи "Галатасарай" сафида 12 та ўйинда майдонга тушиб, 6 та гол киритган ва 3 та голли узатмани амалга оширган.