Профессионал бокс бўйича Ўзбекистон чемпионатининг дастлабки финалчилари аниқланди

Андижон вилояти Хонобод шаҳри илк бора ўтказилаётган профессионал боксчилар ўртасидаги Ўзбекистон чемпионати ярим финал баҳсларининг дастлабки жангларига мезбонлик қилди.

Pro boxing 5

Асосий жанг оқшомидан аввалги куни вазн ўлчаш маросими ва очиқ машғулотлар ўтказилди. Шуни алоҳида таъкидлаб ўтиш лозимки, ярим финал бахслари билан бир қаторда ўртоқлик жанглари учун Озарбайжон ва Қозоғистондан ҳам профессионал чармқўлқоп усталари  таклиф этилди.

Pro boxing 1

Pro boxing 2

Шунинг учун, махаллий мухлислар ва қўшни вилоятдан ташриф буюрганлар учун ҳам ушбу жанг кечаси катта қизиқиш уйғотди. Қолаверса, Хонобод шаҳри ҳокимияти ва Андижон вилояти жисмоний тарбия ва спорт бошқармаси томонидан ташкилотчилик юқори савияда йўлга қўйилди.

Pro boxing 3

Дастлаб  ўртоқлик жанглари ўтказилди. Рингга биринчи бўлиб, 61 кг вазн тоифасида мезбон Абдулазиз Нажмиддинов ҳамда қашқадарёлик Шоҳрух Хикматуллаев кўтарилди. Ушбу жангда техник нокаут билан Абдулазиз Нажмиддинов ғалаба қозонди.

69 кг вазн тоифасида Озарбайжондан ташриф буюрган Роман Закиров Тошкент шаҳри вакили Иброҳим Назирбаевга қарши жанг олиб борди. Муросасиз ўтган қарама-қаршиликда ўртоқлик учрашувга хос тарзда дуранг қайд этилди.

Pro boxing 6

76 кг вазнда эса яна бир меҳмон боксчи қозоғистонлик Сейлхан Қуралбоев яна бир тошкентлик тажрибали мураббий Зуфар Сулаймонов шогирди Равшанбек Маҳаммаджоновга қарши жанг олиб борди. Ушбу жангда ҳамюртимиз Равшанбек яққол устунлик билан ғолиб чиқди.

 Асосий ярим финал қарама-қаршиликлари ҳам шиддатли кечди. 10 та вазн тоифасида 6 раунддан иборат бўлган жангларнинг 50 кг вазн тоифасида андижонлик Шаҳзодбек Шаробиддинов, 53 кгда Нуржан Сериков (Навоий), 57 кгда Бексултон Раушанов (Тошкент вил.), 61 кгда Бургут Ҳожибоев (Наманган), 63 кгда Абдурасул Исмоилов (Хоразм), 66 кгда Муҳаммадсалим Сотиболдиев (Тошкент шаҳри), 69 кгда Музаффар Рашидов (Сурхондарё), 76 кгда Ражапбой Атаназаров (Хоразм), 79 кгда Шаҳзод Маузеров (Сурхондарё), сўнгги +90 кг вазн тоифасида Ренат Раҳимов (Қорақалпоғистон) ғалаба қозониб, финал йўлланмасига эга бўлишди.

Эслатиб ўтамиз, ярим финал баҳсларининг навбатдагиси 14 июль куни Самарқанд шаҳрида бўлиб ўтади.

Pro boxing 9

Pro boxing 7

Pro boxing 8

Фикрлар

Фикр қолдириш учун авторизациядан ўтинг!