Бу ёз “Реал”ни яна бир етакчи футболчи тарк этиши мумкин

Жорий ёзги трансферлар даврида “Реал”ни яна бир етакчи футболчиси тарк этиши кутилмоқда.

Испан ОАВлари тарқатган хабарга кўра ҳужумчи Криштиану Роналдунинг ортидан германиялик хавбек Тони Кроос ҳам бошқа жамоага ўтиб кетишни режалаштирмоқда.

Маълумотларга қараганда 28 ёшли футболчининг қўлида "Манчестер Юнайтед" клубидан аниқ таклиф бор. Қолаверса унинг ўзи ҳам "Олд Траффорд"га кўчиб ўтиши фаолиятига ижобий таъсир қилади деб ҳисобламоқда.

Эслатиб ўтамиз, Кроос ўтган мавсум “Реал” сафида жами 43та ўйинда майдонга тушган ва ўз ҳисобига 5та гол ҳамда 10та голли узатма ёздириб қўйишга эришган.