Де Брёйне: Салоҳ мавсумнинг энг яхши футболчиси бўлишга ҳақли

"Манчестер Сити" клуби ярим ҳимоячиси Кевин де Брёйненинг фикрича “Ливерпуль” форварди Муҳаммад Салоҳ премьер-лиганинг жорий мавсумдаги энг яхши футболчиси бўлишга лойиқ.

“Ўз жамоадошларига овоз бериш мумкин эмас. Шундай экан мен учун Муҳаммад Салоҳ ушбу номга ҳақли. Катта эҳтимол билан шундай ҳам бўлади. У ажойиб мавсумни ўтказмоқда. Бу қадар кўп гол урадиган футболчи билан рақобатлашиш жуда қийин”, - дейди бельгиялик футболчи.

Эслатиб ўтамиз, АПЛда мавсум футболчисига қуйидаги футболчилар даъвогарлик қилишмоқда: Кевин Де Брёйне ("Манчестер Сити"), Давид де Хеа ("Манчестер Юнайтед"), Харри Кейн ("Тоттенхэм "), Муҳаммад Салоҳ ("Ливерпуль"), Лерой Сане ("Манчестер Сити") ва Давид Сильва ("Манчестер Сити").