Дзюба Черчесов Россия терма жамоасини ЖЧ-2018да қандай руҳлантирганини айтди

Россия терма жамоаси ҳужумчиси Артём Дзюба бош мураббий Станислав Черчесов ЖЧ-2018 даврида терма жамоа футболчиларини қандай руҳлантиргани ҳақида айтди.

“Мураббий Станислав Саламович Черчесов бизга шундай деди: Сизлар жанг майдонида олдинги қаторларда турган аскарлар кабидирсиз ва сизларга ишонадиганлар сони жуда кам. Майдонда фақат сизлар борсизлар, бошқа ҳеч ким.

Ушбу сўзлардан сўнг тушуниб етдикки, биз майдонни ё шараф билан, ё ҳақорат билан тарк этишимиз мумкин. Ўз навбатида биз футболчилар ҳам давлатимиз биздан фахрланишини истардик. Якунда эса сеҳрли турнир ва сеҳрли ҳиссиётларни бошдан кечирдик”, - дейди Дзюба.

Эслатиб ўтамиз, Россия терма жамоаси ўз майдонида ўтказилган мундиалда чорак финалга қадар етиб бора олган эди.