Европа лигаси. Супер камбэкни амалга оширган "Зенит" плей-оффга йўл олди

Бундан бироз аввал Санкт-Петербургда УЕФА Европа лигаси саралашининг 3-раундида ўрин олган “Зенит” ҳамда Минскнинг “Динамо” клублари ўртасидаги баҳс ўз ниҳоясига етди.

Қизиқарли ва голларга бой кечган ўйинда питерликлар 8:1 ҳисобида ғалаба қозонишди ва навбатдаги босқичга йўл олишди. Эслатиб ўтиш лозимки, “Динамо” ўз майдонида ўтказилган дастлабки ўйинда “Зенит”ни 4:0 ҳисобида таслим этган эди.

"Зенит" – "Динамо" Минск – 8:1

Голлар: Паредес, 22 – 1:0. Нобоа, 66 – 2:0. Дзюба, 75 – 3:0. Дзюба, 78 – 4:0. Яхайя, 99 – 4:1. Дриусси, 108 – 5:1. Дзюба, 115, (пенальтидан) – 6:1. Мак, 120+2, (пенальтидан) – 7:1. Мак, 120+3 – 8:1.

"Зенит": Лунев, Анюков, Иванович, Мевля, Набиуллин (Заболотный, 59), Нобоа (Смольников, 103), Паредес, Кузяев, Ерохин (Мак, 102), Эрнани (Дриусси, 61), Дзюба.

"Динамо": Горбунов, Бегунов, Швецов, Галович, Шитов, Яхайя, Иванов (Макась, 65), Треботич (Наваловский, 72), Роша (Гаврилович, 92), Корзун, Хващинский (Капленко, 55).

Четлатиш: Паредес, 72 – Швецов, 120+1.