Жаҳон ОАВ Роналдунинг дебюти ҳақида нималар ёзди?

Португалиялик футболчининг "кекса синьора" сафидаги илк ўйинида жуда катта аудитория тўплади ва кўпчиликнинг диққат марказида бўлди. Биз эса жаҳондаги машҳур ОАВнинг Роналдунинг дебюти ҳақида нималар ёзишганини кўриб чиқишга аҳд қилдик.

LA GAZZETTA DELLO SPORT: Роналду қўриқчиси билан чиқди

"Роналду билан нималар содир бўлди? У ўз формасига кириб олганидан сўнг барчаси жойига тушиб кетади. Роналду кечаги ўйинда тез-тез дарвозага зарба бериб турди ва биринчи бўлимда гол уришга ҳам яқин келди. Биз ҳаммамиз кўрдик, у ажойиб футболчи. Уни ҳудди рок-юлдузидек қарши олишди. Криштиану ёнида қўриқчилар  билан пайдо бўлди. Ҳар холда провинциялардаги ўйинлар Испаниядаги каби оғир кечади деб ўйлаган бўлса керак".

MARCA: Роналдунинг итальянча қувончи

"Биз бу мавсум А Сериядаги барча воқеликлар Роналдунинг атрофида айланишини кутяпмиз. Португалиялик биринчи ўйинига қандай тайёрланганлигини қандай майдонга тушишини  ва қай тарзда ўйин олди машғулотларида қатнашишини кўрдик. Роналдунинг қўли туфайли "Ювентус"нинг голи VAR тизими орқали бекор қилинди ва бу Криштиану учун энг яхши дебют бўлмади. Шундай бўлсада, жамоа ғалаба қозонди. Роналду бундан хурсанд бўлиши мумкин. Бу унинг Италиядаги дастлабки ғалабаси, олдинда яна 37 та ўйин бор".

L'Equipe: "Кьево" Роналдуга имкон қолдирмади

"Ювентус"да кўп нарса ўзгарди, аммо вазият эски ҳолича қолди. Буффон ва Маркизио кетди, бироқ бу жамоага, ҳусусан унинг руҳига таъсир этмади. "Ювентус" Веронада охиригача курашди ва якунда ғалабага эришди. "Кьево" ҳам яхши ўйин кўрсатди. Ҳар холда Роналдунинг А Сериядаги дебют ўйинида унга имкон қолдирмади".

GLOBOESPORTE: Роналдунинг дебют ўйинида "Ювентус"нинг қийин ғалабаси

"Роналду ўйинда кўп иштирок этди, асосан маракзий ҳужумда ўйнади. Ҳужум ташкил қилишга кўмаклашиш учун қанотларга ҳам ўтиб турди. Имконият  бўлмагани учун гол уролмади. Роналду дарвозага саккиз марта зарба берди ва аксариятини дарвозабон Соррентино бартараф этди. Ўйин сўнггида майдонда Манжукич пайдо бўлгач, чап томонда кўпроқ ҳаракат қилди ва бир нечта хавфли вазиятларни содир этди. Криштиану жамоаси киритган бирорта голда иштирок этмади, аммо "Ювентус" билан қийин ғалабани қўлга киритди". 

KICKER: Роналду гол урмади, аммо ўзида ишонч ҳисси пайдо бўлди

"Ювентус" ҳисобни тезкор тарзда очишга эришди. Бироқ буни португалиялик юлдуз эмас, Хедира амалга оширди. Роналду 18-дақиқада "Кьево" дарвозасини ишғол этди, ҳисоб. Ўша кезда "Ювентус" ҳисобни 2:0 ёки 3:0 кўринишга келтирадиган имкониятларга эга бўлди. Якунда эса 3:2 ҳисобидаги қийин ғалабани кўлга киритди. Кечаги ўйинда Роналду гол урмади, аммо ўзи ишонч ҳосил қилди ва жамоаси уч очкони қўлга киритди".

Шаҳзод Холбоев таржимаси