Мбаппе “Олтин тўп”га даъвогар футболчиларни айтиб ўтди

Бу соврин учун курашадиган футболчилар рўйхатига франциялик ўйинчи ўзини киритмади.

France Football нашри томонидан ҳар йили анъанавий тарзда Европанинг энг яхши ўйинчиси “Олтин тўп” мукофоти билан тақдирланади. ПСЖ ҳужумчиси Килиан Мбаппе унга даъвогар асосий футболчилар рўйхатини маълум қилди.

19 ёшли ҳужумчи рўйхатидан Неймар, Криштиану Роналду, Лука Модрич ва Рафаэль Варан ўрин олган. Мбаппе Лионел Месси ва ўзини бунга муносиб деб топмаган ва рўйхатга киритмаган.

Эслатиб ўтамиз, Килиан Мбаппе Франция терма жамоаси сафида ЖЧ-2018 турнири бош совринини қўлга киритди. Жаҳон чемпионатининг олтин тўпини Лука Модрич қабул қилиб олган.