Роналдунинг "Ювентус"даги дебют ўйинини қанча одам томоша қилгани маълум бўлди

Оммавий ахборот воситалари Криштиану Роналдунинг "Ювентус"даги дебют ўйинини қанча томошабин кузатиб борганини аниқлашди.

Football Italia нашри тарқатган хабарга кўра 33 ёшли португалиялик футболчининг “кекса синьора”даги илк учрашувини жами 2 миллион 330 минг 234 нафар мухлис кузатган. Айтиш лозимки, бу А Серия тарихидаги 4-кўрсатгич ҳисобланади.

Эслатиб ўтамиз, ўша учрашувда “Ювентус” “Кьево” устидан 3:2 ҳисобида иродали ғалабани қўлга киритган эди. Роналду эса ўша куни майдонни голсиз тарк этди.

Фикрлар

Фикр қолдириш учун авторизациядан ўтинг!