Уэсли Снейдер "Ювентус"нинг ЕЧЛда ғолиб чиқишига ишонмаяпти

Миланнинг “Интер” клуби собиқ аъзоси Уэсли Снейдер гарчи “Ювентус” ўз сафига Криштиану Роналдудек футболчини қўшиб олган бўлсада, барибир Чемпионлар лигасида ғолиб чиқолмаслигини айтди.

“Мен бунга ишонмайман. Бу ерда бир футболчи ҳамма нарсани ҳал қила олмайди, унинг ёлғиз ўзи жамоани Чемпионлар лигасида устунликка эришиши учун кифоя қилмайди. Бу мусобақада “Ювентус”дан кучлироқ жамоалар бор.

Улар Италия чемпионлигини қўлга кирита олишмаса ажабланган бўлардим. Лекин, ЕЧЛда ғолиб чиқиш учун янада кучлироқ бўлиш керак.

Криштиануга Италияда қийин бўлади деб ўйламайман. У ҳақиқий профессионал ва шу боис ушбу муҳитга тез мослашади деб ўйлайман”, - дейди голландиялик футболчи.