Бирлашган Араб Амирликларининг Фужайра шаҳрида таэквондо (WT) бўйича ўтказилган халқаро турнирда Ўзбекистон ўсмирлар терма жамоаси муваффақиятли иштирок этди.

Мазкур мусобақада Собир Назаралиев шогирдлари саккизта олтин ва иккитадан кумуш ҳамда бронза медалларини қўлга киритди.

Мусобақада Амирбек Тўраев, Улуғбек Рашидов, Бекзод Ибрагимов, Шаҳзод Сайфиев, Интизор Абдуалимова, Мадина Маннопова, Озодахон Собиржонова, Феруза Содиқова ўз вазн тоифаларида шоҳсупанинг энг юқори поғонасидан жой олди.

Шунингдек, финалга қадар ўтказилган жангларда зафар қучган Жасур Жайсунов ва Дурдона Абдулхаева терма жамоамизга кумуш медални келтирган бўлса, Данил Морозов ҳамда Абдулазиз Маҳмудов бронза медалга сазовор бўлди. 

Мусобақнинг катталар ўртасидаги беллашувларда вазни 58 килограммгача бўлган ҳамюртимиз Суҳроб Бобобеков олтин медални қўлга киритди. Кичик қизлар ўртасида умидли таэквондочимиз Эъзоза Шорустамова биринчи ўринни эгаллади.
 

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98