Ана холос! Салоҳ бу мавсум АПЛда бошқа майдонга тушмаслиги мумкин

“Ливерпуль” клуби ҳужумчиси Муҳаммад Салоҳ жорий мавсум АПЛнинг қолган қисмида майдонга туша олмаслиги мумкин.

The Sun нашри тарқатган хабарга кўра 25 ёшли мисрлик футболчи ўтган тур “Сток Сити”га (0:0) қарши учрашувда рақиб жамоа ҳимоячиси Мартинс Индининг бошига атайин зарба беришга уринишда гумон қилинмоқда. Ўшанда учрашув ҳаками эса бу вазиятда эътибор қаратмаган эди.

Англия футбол ассоциацияси тартиб-интизом комиссиясининг қарорига кўра Салоҳ учта ўйингача дисквалификация қилиниши мумкин. Агар ушбу қарор ўз тасдиғини топса АПЛ тўпурари мусобақанинг сўнгги икки туридан ўрин олган “Челси” ва “Брайтон”га қарши баҳсларда иштирок эта олмайди.