Анчелотти инглиз футболининг келажагини "Бавария"га олиб келмоқчи

Мюнхеннинг “Бавария” клуби раҳбарияти ёзги трансфер даврида жамоанинг марказий чизиғини кучайтирмоқчи. Бу борада немис гранди Англия терма жамоаси ҳамда Лондоннинг “Тоттенхэм” клуби футболчиси Делли Аллини кўз остига олиб қўйди.

Times нашрининг маълум қилишича 20 ёшли инглиз футболчисига шахсан Карло Анчелоттининг ўзи қизиқиш билдирмоқда. Таъкидлаш керакки, “шпорлар” Аллини 98 миллион еврога сотишни режалаштиришмоқда. Футболчининг “Тоттенхэм”билан амалдаги шартномаси 2022 йилга қадар имзоланган.

Маълумот учун, Алли бу мавсум премьер-лиганинг 22та учрашувида майдонга тушиб, ўз ҳисобига 11та гол ҳамда 4та голли узатма ёздириб қўйишга эришган.