Анвар Бойназаров 9 июль куни чемпионлик йўлидаги ярим финал жангини ўтказади
Хабарингиз бор, 17 июнь куни Хитойнинг Ченгду шаҳрида ташкил қилинган профессионал жанглар кечасида Анвар Бойназаров таиландлик Манасга қарши рингга кўтарилган эди ва ҳакамларнинг бир овоздан берган қарорларига кўра ғолибликни қўлга киритган эди.
Мазкур жангдан сўнг Анвар Бойназаров “EM LEGEND” халқаро турнирининг ярим финалига йўл олиши керак эди. Аслида мусобақанинг чорак ва ярим финал жанглари бир кунда ўтказилар эди. Аммо спортчимиз ўша куни битта жанг ўтказди. Шунингдек, турнир ташкилотчилари мусобақа регламентига бироз ўзгартириш ҳам киритиб, ярим финал жанги 9 июль куни ташкил қилинишини маълум қилган. Бу ҳақда спортчимизга яқин матбуот хизмати Sports.uzга маълум қилди. Ҳозирча Бойназаровнинг рақиби кимлиги ошкор қилинганича йўқ.
Эслатиб ўтамиз, бунгача Анвар профессионал фаолиятида 112 та жанг ўтказган. Шулардан 51 тасини нокаут билан якунлаган.
Фикрлар