"Арсенал" етакчиларидан бири "Ливерпул"га қарши баҳсни ўтказиб юбориши мумкин

Лондоннинг "Арсенал" клуби ҳимоячиси Эктор Бельерин яқинлашиб келаётган ўйинларда жамоасига ёрдам беролмаслиги мумкин.

Evening Standard нашри тарқатган хабарга қараганда испаниялик футболчи Англия лига кубогининг "Блэкпул"га қарши баҳсини аниқ ўтказиб юборади. Унинг АПЛнинг навбатдаги 11-тури "Ливерпул"га қарши баҳсда иштирок этиши ҳам сўроқ остида қолмоқда.

Эслатиб ўтамиз, Бельерин премьер-лиганинг ўтган турида "Кристал Пэлас"га қарши учрашувда жароҳат олган ва захирага олинган эди.

Маълумот учун, “Арсенал” – “Ливерпуль” учрашуви 3 ноябрь куни Тошкент вақти билан соат 20:30да бошланади.