“Арсенал” ҳимоячиси “нокаутга” учради

“Арсенал” жамоаси ҳимоячиси Эктор Бельерин “Челси”га қарши давом этаётган АПЛ 24-тур ўйинида жароҳат олди.

Учрашувнинг 13-дақиқасида Маркос Алонсо “Челси”ни олдинга олиб чиқди. Алонсо боши билан гол урган вазиятда у Бельериннинг бошига тирсаги билан зарба бериб, уни “нокаутга” учратди.

Учрашувни бошқариб бораётган Мартин Аткинсон ҳам, унинг ёрдамчилари ҳам ўйин қоидаси бузилганини кўрмади. Натижада гол инобатга олинди. Бельерин эса майдондан олиб чиқиб кетилди.

Маълумотларга кўра, Эктор бош мия чайқалишига учраган бўлиши мумкин. Унга тиббий ёрдам керак бўлади. Айни вақтда ўйиннинг 80-дақиқаси давом этмоқда. “Арсенал” 2:0 ҳисобида олдинда бормоқда.