“Арсенал” парокандалик остонасида

 

Европа чемпионлар лигасида “Бавария”дан қақшатқич зарбага учраган “Арсенал” яқин фурсатда бутунлай парокандаликка юз тутади.

Мутахассисларнинг бу жамоа кейинги мавсум олдидан кадрлар бўйича жиддий муаммоага дуч келишини таъкидлашмоқда. Бу энг аввало, етакчи футболчилар бу жамоадан кетишга ҳаракат қилаётгани билан боғлиқ.

Хусусан, жамоа тўпурари Алексис Санчес ҳафтасига 180 минг фунт маош ваъда қилинган шартномани имзоламади ва кетиши аниқ бўлди. Ўз навбатида шартномаси якунланаётган жамоа етакчиси Месут Ўзил ҳафтасига 200 минг фунт олиши белгиланган битимга жавоб бергани йўқ.

Бундан ташқари, Алекс Окслейд-Чемберлен билан шартнома тузилганича йўқ. У бошқа жамоага ўтиб кетиш имконига эга. Ўйин вақтидан норози бўлаётган Лукас Перес ва дарвозабон Дэвид Оспина ҳам ўзига янги клуб қидирмоқда.

Шунингдек, бу мавсум жамоа бош мураббийи Арсен Венгер учун ҳам сўнггиси бўлиш эҳтимоли катта. 

SPORTS.uz

Фикрлар

Фикр қолдириш учун авторизациядан ўтинг!