"Астон Вилла" бош мураббийи истеъфога чиқарилди

Бирмингемнинг “Астон Вилла” клуби раҳбарияти жамоа бош мураббийи Стив Брюсни ўз лавозимидан озод этди.

Айтиш керакки, 57 ёшли англиялик мутахассис “Астон Вилла”ни сўнгги икки мавсумдан буён бошқариб келаётган эди.

Маълумот учун, бирмингемликлар Чемпионшипнинг сўнгги 9та баҳсидан бор йўғи 1тасида ғалаба қозонишди. Айни дамда улар 11та турдан сўнг 15 очко билан мусобақа жадвалида 12-ўринни эгаллаб турибди.