“Барселона” президентига қарши имзо йиғиш бошланмоқда

“Барселона” президентлигига номзодлик қилган Аугусти Бенедито клубинг ҳозирги президенти Жозеп Бартомеуга қарши вотум(овоз  бериш йўли билан фикр билдириш) бошламоқчи.

Бунинг учун 16 минг кишининг имзоси йиғилиши лозим. Бенедито ушбу ишни “Эспаньол”, “Ювентус” ва “Эйбар”га қарши  кечадиган  “Камп Ноу”даги баҳсда амалга оширмоқчи.

“Бартомеу истеъфо бериши лозим. У вазиятни назорат қила олмаяпти. Ҳозир “Барселона” раҳбариятида инқироз юзага келган. Клубнинг 40 мингга яқин аъзоси менинг таклифимни қўллаб-қувватлашига ишонаман”, – деб унинг сўзларини келтириб ўтди “Маrcа” нашри.