"Барселона"нинг собиқ аъзоси "Реал"га ўз хизматларини таклиф қилди

Мюнхеннинг "Бавария" клуби ярим ҳимоячиси Тьяго Алькантаранинг агенти "Реал" Мадридга ўз мижозининг хизматларини таклиф қилди.

Tribalfootball нашри тарқатган хабарга кўра “қироллик клуби” раҳбарияти ҳам ушбу таклифга қизиқиш билдиришмоқда, аммо бу борадаги якуний қарор жамоага янги мураббий келгач қабул қилиниши кутилмоқда.

Эслатиб ўтамиз, Алькантара “Реал”нинг ашаддий рақиби ҳисобланган “Барселона” тарбияланувчиси ҳисобланади. У 2008-2013 йилларда каталонияликлар сафида тўп сурган.