“Бавария” ҳимоячиси бугун сафга қайтади

Мюнхеннинг “Бавария” клуби ҳимоячиси Жером Боатенг жароҳатдан тўлиқ фориғ бўлиб, сафга қайтишга тайёр. Жамоа устози Карло Анчелотти германиялик футболчини Бундеслига навбатдаги тур учрашувида таркибга киришини маълум қилди.

Боатенг 23 ноябрда жароҳат олиб сафдан чиққан эди. Шундан сўнг операция қилиниб, ниҳоят таркибга қайтди.

Эслатиб ўтамиз, “Айнтрахт”га қарши ўйин бугун Тошкент вақти билан 19:30да старт олади. Унда Боатенг илк дақиқалардан майдонга тушади.